Minister Ornelio Martina ta duna empleadonan públiko liber riba djabièrnè 27 di mei.

Willemstad – Konforme desishon di konseho di minister di Kòrsou di 18 di mei 2022, Minister di Maneho di Gobernashon, Planifikashon i Servisio Públiko (GPS) Ornelio Martina ta partisipá ku dia 27 di mei 2022, lo ta un dia liber pa empleadonan di gobièrnu te kaminda ku e servisio ta permití.

Djabièrnè 27 di mei ta un dia liber i ta ser duna komo muestra di apresio pa trabou duru ku e empleado públiko a desplegá durante e aña ku a pasa. Apesar di tur reto e empleado a keda duna servisio na komunidat.

Minister Martina ta gradisí tur empleado públiko i ta desenanan un dia liber plasentero, semper teniendo kuenta ku seguridat di nan mes i otronan rondó di nan.