Alerta pa posibel oumento di ladronisia di kabritu.

KOMUNIKADO DI PRENSA 264 /2022
28 mei 2022
Alerta pa posibel oumento di ladronisia di kabritu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kuerpo Polisial ke alertá kriadónan di bestia i partikularmente esnan di kabritu, pa un
posibel oumento di ladronisia di kabritu den diferente área aki na Kòrsou tantu na Banda
‘Riba pero tambe na Banda Bou.
Ya tin kriadónan di kabritu ku a pèrde desenas di nan bestianan ku a keda hortá den e área
di Banda Bou.
Tin indikashon fuerte tambe ku mayoria di e bestianan aki ta keda bendé riba merkado
pretu, pa konsumo humano.
Aparte ku ladronisia i enkubrimentu ta echonan kastigabel pa lei, bendementu di karni di e
bestianan aki di un forma inapropiá, por tin su rísikonan tambe pa salubridat públiko.
Polis ta hasi un yamada na kriadónan di kabritu pa ta èkstra alerta i tuma e medidanan di
prekoushon, pa evitá ku bo ta bira víktima di ladronisia di bo bestianan dor di antisosialnan.
Tambe ta hasi un yamada na siudadanonan pa no kumpra spesialmente kabritu bibu òf
karni di esaki serka personanan ku bo sa ku no tin òf di kua bo ta duda ku tin krio di bestia.
Preferiblemente kumpra karni na karniseria, toko of supermerkado ku ta e
establesimentunan indiká pa benta di karni.
Por último ta bai un apelashon na tur persona ku tin informashon tokante di ladronisia di
kabritu òf ta na altura di hendenan ku ta kumpra kabritu hortá, pa denunsia esaki
inmediatamente na polis.

 

This site uses Akismet to reduce spam. Learn how your comment data is processed.

%d bloggers like this: