SENTRO DI BAKUNASHON PA COVID-19 TA MUDA DI OTROBANDA PA ZAQUITO

Willemstad – En konekshon ku e programa masivo di bakunashon kontra COVID-19, ku a start dia 24 di febrüari 2021, i ku a yega na un nivel di kuido regular, Ministerio di Salú, Medio Ambiente i Naturalesa ta informa lo siguiente:

Entrante djamars 31 di mei 2022 lo kontinuá ku bakunashon pa COVID-19 na Servisio di Salú Públiko di Kòrsou, “Uitvoeringsorganisatie Geneeskunde & Gezondheidszaken” (UO G&Gz, ántes GGD) na e departamento di “Infectieziektebestrijding” (IZB) ku ta situá na Piscaderweg 49, Zaquito. Djaluna dia 30 di mei 2022 e sentro di bakunashon lo ta será pa hasi e mudansa di Poli-EHBO na Otrobanda pa UO G&Gz na Zaquito posibel.

Bakunashon pa COVID-19, inkluso “booster” i “herhaalprik” na IZB ta posibel tur djaluna, djamars, djaweps i djabièrnè di 08.00 pa 12.00 i di 13.30 pa 17.00.

Por traha un sita òf por “walk-in” na Piscaderweg 49, Zaquito.

Riba djárason e tim mobil lo ta riba kaya pa duna servisio ambulante. Bakunashon te serka bo.

Por bishitá www.bakuna.cw òf yama 9345 (di 08.00 pa 15.00, di djaluna pa djabièrnè) pa mas informashon tokante e bakuna kontra COVID-19.

Lo tin palabrashon ku sierto instansianan pa nan por sigui haña e servisio di bakunashon manera kustumbrá.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: