Miembronan di Kuerpo Polisial ta huramentá serka Minister di Hustisia.

KOMUNIKADO DI PRENSA 270 /2022
31 mei 2022
Miembronan di Kuerpo Polisial ta huramentá serka Minister di Hustisia.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè dia 20 di mei último, ocho (8) miembro di Kuerpo Polisial Kòrsou a presta
huramentashon i promesa dilanti di Minister di Hustisia, mr. Shalten Hato.
E huramentashon aki a tuma lugá den patio di Ministerio di Hustisia na Wilhelminaplein.
Ta trata aki di shete (7) agente di e klas 2019-II, ku resientemente a gradua na
Opleidingsinstituut voor de Rechtshandhaving & Veiligheidszorg (O.R.V.).
E shete agentenan aki awor ta kla pa subi kaya i reforsá e famia polisial den kombatimentu
di kriminalidat, mantenshon di òrdu públiko i duna yudansa na esnan den nesesidat.
Ta trata aki di señores Khatib Abdallah, Kuwas, Dap, Thomas, Calmera, señora Moerman i
yufrou Obipsu.
Tambe a presta huramentashon sr. Fecunda ku ta laborá den Sentral di Polis.
Kuerpo Polisial Kòrsou ta yama e koleganan aki bon bini i ta deseá nan tur klase di éksito
den nan karera polisial.