google.com, pub-5639114718427035, DIRECT, f08c47fec0942fa0

Homber gravemente heridá durante di maltrato.

KOMUNIKADO DI PRENSA 284/2022
5 yüni 2022
Homber gravemente heridá durante di maltrato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 4 di yüni 2022 alrededor di 22.45’or, Sentral di polis a dirigí un unidat di polis na
altura di un pòmp di gasolin riba Kaminda Jose Antonia, pa un bringamentu entre di dos
persona.
Na yegada di e unidat, el a topa un hòmber bastante maltratá, ku a indiká ku algun ratu
promé tabatin un diskushon fuerte entre dos otro hòmber i el a bai pa kalma nan.
Un di e hòmbernan aki a kuminsá maltratá e víktima ku a bini pa kalma e situashon, pa
despues bai lag’e patras.
E víktima tabatin hopi doló na lomba, den pechu i ademas tabatin problema respiratorio.
Ambulans a presentá na e sítio i a duna e víktima promé asistensia pa despues transport’é
ku urgensia pa Sala di Emergensia di C.M.C.
Investigashon den e kaso aki ta kontinuá.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: