google.com, pub-5639114718427035, DIRECT, f08c47fec0942fa0

APELASHON URGENTE PA NO BULA KU DRONES DURANTE VELAS LATINO AMERICA CURAÇAO 2022

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

PUBLIKÁ RIBA 06 YÜNI 2022

Willemstad – Outoridat di Aviashon Sivil di Kòrsou huntu ku Havenmeester ta hasi un apelashon serio na tur usuario di drones pa NO bula drones den área di Willemstad, esta henter Punda i Otrobanda, durante e aktividatnan di Velas Latino America Curaçao 2022 riba dianan 7, 8, 9, 10, 11, i 12 di yüni 2022. Ta pidi pa NO bula ku drones entre 5’or di mainta pa 7’or di anochi. 

E motibu di e medida aki ta garantisá seguridat di tur persona ku lo bishitá e aktividat aki mirando ku lo tin demonstrashon di helikòpternan di Warda Kosta den St. Annabaai y tambe pues pa garantisá seguridat di tráfiko aéreo. Un drone por dal den un di e helikòpternan aki i kousa aksidente serio. Tambe ta antisipá ku tin un kantidat grandi di persona ta bishitá e aktividatnan i e peliger tei ku si, pa un òf otro motibu, e drone kai e por kousa daño na hende i material.

Havenmeester ta indiká ku botonan mester tene distansia for di e barkunan di bela ora nan ta drenta djamars awor.

Tur esaki ta pa garantisá seguridat durante e gran evento di Velas Latino America Curaçao 2022.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: