GOBIÈRNU DI KÒRSOU A KEDA INVITá na apertura di SANDALS ROYAL CURAҪAO
Willemstad – Gobièrnu di Kòrsou a keda invitá na apertura di Sandals Royal Curaҫao dia 3 di yüni 2022.
Tur e ministernan, Promé Minister Gilmar Pisas, Minister di Desaroyo Sosial, Labor i Bienestar Ruthmilda Larmonie-Cecilia, Minister di Desaroyo Ekonómiko Ruisandro Cijntje, Minister di Finansa Javier Silvania, Minister di Enseñansa, Siensia, Kultura i Deporte Sithree van Heydoorn, Minister di Salubridat, Medio Ambiente i Naturalesa Dorothy Pietersz-Janga, Minister Maneho di Gobernashon, Planifikashon i Servisio Públiko Ornelio Martina, Minister di Tráfiko, Transporte i Planifikashon Urbano Charles Cooper i Minister di Hustisia Shalten Hato, tabata presente.
Durante di e seremonia a hiba palabra sr. Gary Sadler, (OD Executive Vice President, Sales and Industry Relations), sr. Kevin Clarke (General Manager, Sandals Royal Curaçao), sra. Natalie Herms (Duty Manager, Sandals Royal Curaçao), sr. Gebhard Rainer (Group Chief Executive Officer, Sandals Resorts International), sr. Adam Stewart (CD Executive Chairman Sandals Resorts International i Promé Minister Gilmar Pisas, kende a hasi e apertura ofisial tambe.
Sandals Royal Curacao a perkurá pa:
- un kantidat di masomenos 810 hende lokal haña trabou;
- un aporte grandi pa e produkto Turístiko di Kòrsou;
- krea interes pa e merkado Merikano i di Region;
- tur pèrmit di konstrukshon, trabou i estadia keda otorgá;
- trese 166 hende pa train nos hendenan lokal;
- manda 80 hende lokal bai tuma training den eksterior, ku despues lo bai fungi komo train-the-trainer pa nos hendenan lokal;
- pa e parti di vito sanitair keda ehekuta;
- apesar ku e Hotèl ainda no a habri su portanan, tòg a laga diferente di nos hendenan ku a keda selektá, kuminsá traha (training on the job) kontra pago.
Na final di e seremonia a sigui un rekorido i despues a ofresé Gobièrnu di Kòrsou, huntu ku algun invitado speshal, un lunch.
