Minister Ruisandro Cijntje Riba e promé dia di e konferensia ministerial nos a reuní den un asina yama delegatieoverleg di reino hulandes kaminda nos por a evaluá e promé dia di WTO.

Kòrsou a bishitá WTO ku su mesun delegashon pero alabes tabata forma parti di e delegashon di reino ku tabatin representashon tambe di St. Maarten.

Den e reunion aki mi a elaborá riba e prioridat di “Food Security”, konektividat maritimo i kolaborashon den islanan di karibe.

Tambe mi a sera konosí ku minister Liesje Schreinemacher enkargá ku Buitenlandse Handel en ontwikkelingssamenwerking na hulanda.

Mi a deliberá kune riba kon hulanda komo un pais desaroyá den reino por duna un kolaborashon real riba tereno di agrikultura, krio di bestia i peska pa asina kuminsa traha riba e vishon ku nos tin pa garantisá seguridat di kuminda na Kòrsou.