google.com, pub-5639114718427035, DIRECT, f08c47fec0942fa0

Presidente di Parlamento a risibí e Kònsùl General di Merka na su despacho

Parlamento di Kòrsou

Presidente di Parlamento a risibí e Kònsùl General di Merka na su despacho
Djaluna dia 13 di yüni 2022 Presidente di Parlamento, sra. Charetti America-Francisca, a risibí e Kònsùl General di Merka señora Margaret Bond ku na yanüari último a bin traha na Kòrsou komo e Kònsùl General nobo di Merka, na su despacho na Parlamento. E bishita di kortesia aki ta unu rutinario kaminda kònsùlnan stashoná na Kòrsou ta sera konosí i durante e periodo ku nan ta stashoná na Kòrsou komo kònsùl general nan sa hasi diferente bishita di trabou na e Presidente di Parlamento pa asina estrechá e kontaktonan ku Parlamento komo e órgano legislativo di nos país. E bishita di kortesía aki a bai den bon esfera, a deliberá riba diferente tópiko di interes mutuo, inkluso algun proyekto interesante ku e departamentu Merikano ta hasiendo den kolaborashon ku ministerionan di Gobièrnu di Kòrsou. Pa sra. Bond Kòrsou ta un isla ku ta brinda hopi oportunidat. Dor di kolaborashon estrecho entre tantu e konsulado i outoridatnan lokal lo por realisá varios logronan pa habitantenan di Kòrsou.
Sra. Bond ta enkantá ku wega di Domino, lokual a keda reflehá den e bunita opsekio ku e a entregá na Presidente di Parlamento.
Share this page to Telegram

This site uses Akismet to reduce spam. Learn how your comment data is processed.

%d bloggers like this: