Minister di desaroyo ekonómiko, sr. Ruisandro Cijntje, a reuni ku departamentu di desaroyo ekonómiko na Georgia.

Minister di desaroyo ekonómiko, sr. Ruisandro Cijntje a reuní ku sr. Nico Wijnberg kende ta direktor
di relashon international i hefe di protokòl pa e estado di Georgia. E reunion aki a tuma lugá na e
departamentu di desaroyo ekonómiko na Atlanta, Georgia.
Sr. Wijnberg ta un hulandes europeo i tabata sumamente kontento di por a risibí e delegashon di
Kòrsou.
Durante di e reunion aki, minister Cijntje huntu ku kolega minister van Heydoorn, parlamentarionan
sr. Mercelina i sr. Seferina i tambe e sobra delegashon a risibí un presentashon di desaroyo
ekonómiko ku ta tuma luga den e estado di Georgia i kiko tur nos por nifiká pa otro.
Asina a bin dilanti ku Georgia ta fungi komo un “hub” pa Estados Unidos riba e area di aviashon i
esaki ta sumamente faborabel pa Kòrsou den nos esfuersonan pa logra un buelo direkto entre
Kòrsou i Hulanda.
Sr. Wijnberg a felisitáMinister Cijntje ku e strategia kreativo di promoshon a traves di deporte i a
indiká ku deporte na estado di Georgia ta algu ku ta wòrdu tuma hopi na serio.
Sr. Wijnberg i minister Cijntje a akordá ku lo sigui den kontakto pa asina fasilitá otro, te kaminda
esaki ta posibel riba tereno di desaroyo ekonómiko.

 

This site uses Akismet to reduce spam. Learn how your comment data is processed.

%d bloggers like this: