GRAN FINAL DI KAMPIONATO HUBENIL KATEGORIA U-9 TE KU U-15! DJASABRA 25 DI YÜNI 2022!
Despues ku den luna di novèmber 2021 Kampionato Hubenil a inisiá i ta hungando tur wikènt na diferente stadion rònt Kòrsou, djasabra 25 di yüni 2022, Kampionato Hubenil kategoria U-9 te ku U-15 lo yega na su final. E gran finalnan lo tuma lugá for di mainta te den oranan di atardi na tereno di Willemstad i tambe den Stadion Rignaal ‘Jean’ Francisca.
E aña aki tambe manera e añanan anterior e kategorianan aki a keda repartí den diferente liga p’asina duna e hungadónan mas chèns di desaroyá segun nan nivel futbolístiko. Konsekuentemente lo tin diferente final den kada kategoria ku ta repartí den 2 òf 3 liga.
Durante e gran final aki lo tin un total di 26 trofeo ku lo keda repartí pa ekiponan kampion i supkampion na final di kada enkuentro.
Skema final Kampionato Hubenil Kategoria U-9 te ku U-15;
| Stadion | Liga | Tim di Kas | Bishitante | U-9 | U-11 | U-13 | U-15 | |
| WILLEMSTAD I | Liga 1 | Centro Juve A (A) | v/s | C-Stars United A (B) | 9:00 | – | – | – |
| WILLEMSTAD I | Liga 2 | F.C. Sithoc (A) | v/s | Centro Juve B (B) | 9:00 | – | – | – |
| WILLEMSTAD II | Liga 3 | C-Stars United C | v/s | Stallions F.C. (B) | – | 10:30 | – | – |
| WILLEMSTAD I | Liga 2 | VESTA | v/s | UNDEBA | – | 10:30 | – | – |
| WILLEMSTAD I | Liga 1 | C-Stars United A | v/s | Atletiko Saliña A | – | 10:30 | – | – |
| WILLEMSTAD I | Liga 1 | Jong Holland | v/s | Stallions F.C. | – | – | – | 12:00 |
| WILLEMSTAD I | Liga 2 | Inter Willemstad A | v/s | C-Stars United | – | – | – | 14:00 |
| R.J.F | Liga 3 | Jong Holland | v/s | Atletiko Saliña B | – | – | 10:00 | – |
| R.J.F. | Liga 2 | Inter Willemstad A | v/s | Scherpenheuvel | – | – | 11:30 | – |
| R.J.F | Liga 1 | SUBT | v/s | Atletiko Saliña A | – | – | 13:00 | – |
| R.J.F. | Liga 1 | VESTA | v/s | SUBT | – | – | – | 15:00 |
Komishon Hubenil ta deseá kada un ekipo ku a klasifiká pa e gran final aki hopi éksito i ta ekstendé un invitashon na pueblo di Kòrsou kompletu pa bin apoyá i animá tur nos hungadónan durante e gran final di Kampionato Hubenil 2021-2022!
Entrada ta kompletamente grátis!
24 yüni 2022
