NOS SELEKSHON NASHONAL MASKULINO U-20 TA NA HONDURAS PA ENFRENTÁ HONDURAS DURANTE E SEGUNDO BUÈLTA DI E CONCACAF MEN’S U-20 CHAMPIONSHIP KU LO TUMA LUGÁ MAÑAN!
Manera ya nos a avisá nos selekshon nashonal kategoria U-20 lo mester partisipá na e segundo buèlta di e CONCACAF Men’s U-20 Championship despues ku aña pasá nos a terminá komo number 1 den nan pul. Nos kontrinkante lo ta Honduras, ku ta e ekipo ku a sali number 1 den su pul. Nos partido lo tuma lugá mañan 25 di yüni 2022 pa 5’or di atardi (orario adaptá) den Stadion Fransisco Morazan aya na Honduras.
Awe mainta mitar di 11 nos selekshon a sali pa Honduras den un charter pa representá Kòrsou un biaha mas durante e kampionato aki. Nos selekshon a yega Honduras bon i ta mentalmente i físikamente bon prepará pa nos partido di mañan.
Manera semper FFK ta deseá nos selekshon nashonal kategoria U-20, tur klase di éksito pa mañan kaminda nan lo enfrentá Honduras na Honduras durante e segundo buèlta di e CONCACAF Men’s U-20 Championship!
24 yüni 2022