Dama yu di Kòrsou ta perde su bida den aksidente na Hulanda riba A58.

Chek nan Facebook i tur aktividat ku e muchanan ta hasi djis klik aki: https://www.facebook.com/profile.php?id=100045700818054

Vehikulo ku shete (7) okupante ta aksidentá dos biaha riba A58: un dama yu di Kòrsou (53) ta pèrdè su bida i seis (6) persona ta resultá heridá 

A konsekuensia di un aksidente riba A58 na Chaam (Noord-Brabant) den marduga di djasabra pa djadumingu, un dama (53) di Den Haag a pèrdè su bida i seis persona a resultá heridá. Nan tabata sintá nan shete den un vehikulo ku a aksidentá dos biaha. E aksidente a tuma lugá alrededor di 00.15 or riba e kaminda ku ta konektá ku Sint Annabosch na e parti ku ta kondusí na A27. Un vehikulo ku tabata kore nan tras a kore dal nan tras, segun informashon polisial. Seguidamente e vehikulo ku e 7 okupantenan a bai resultá kontra di un vangrail i a bòltu riba un banda. Un segundo vehikulo a dal kontra di e vehikulo ku tabata riba un banda kaba. 

Personanan ku tabata den serkanía a para nan vehikulo i a baha bai duna asistensia. Seis ocupante, 4 dama, 1 kabayero i 1 mucha a keda transportá pa hospital. E dama di 53 aña a fayesé na sitio di e aksidente. Dos otro vehikulo ku mester a desviá e aksidente a risibí daño material. Okupantenan di e otro vehikulonan ku tabata envolví den e aksidente no a resultá heridá. 

Outoridat polisial tabata tin e snelweg pa un lapso di tempu parsialmente será. E vangrail ta keda drechá djadumingu anochi 19or. Te ku e ora ey outomobilistanan tin ku kore riba velosidat mas abou riba e parti ey di e karetera. 

Polis ta kontinuá ku investigashon na e loke a kondusí na e aksidente aki. 

Pas na alma di e defuntu 

This site uses Akismet to reduce spam. Learn how your comment data is processed.

%d bloggers like this: