KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

DEPORTE

Jacky Circuit ta presentá Caribbean Pinks All Out 2022

Djarason na Kòrsou i tambe djabièrne na Aruba, e organisashon di Jacky Circuit Curaçao a tene un rueda di prensa huntu ku presensia di Curaçao Tourist Board kaminda a duna informashon tokante e evento internashonal di dragrace, kaminda lo tin diferente outonan for di Merka, Aruba, Puerto Rico i tambe Kòrsou.

Un evento kaminda e legendario sr. Frank Brandao lo ser honrá pa su trabounan ku a ser hasí den e mundu di e deporte di Dragrace.

Caribbean Pinks All Out ta un evento di dragrace ku lo tuma lugá, riba e fecha nan 30 di Jüni, 1,2 i 3 di Jüli próksimo. Dia 30 di Jüni ta bira un “car & bike show “den Punda kombiná ku Punda Vibes, kaminda den diferente area di Punda lo por presensiá diferente outo- i tambe bròmernan di dragrace.

Fechanan 1,2 i 3 di Juli na Curaçao International Raceway, Dia 1 di Jüli lo tin un dia di Test & Tune ku lo bai ta privá spesial pa nos partisipantenan. Dia 2 i 3 ta e dos fecha nan ofisial di kareda kaminda públiko lo por presensiá e evento di Caribbean Pinks All Out.

Entrada pa dianan 2 i 3 di Jüli lo ta pa general na balor di Nafl 40,-  pa dia o un pakete di Nafl 60,- pa tur dos dia. Tambe lo tin un VIP area, entrada pa VIP-single lo ta na balor di Nafl 100,-  pa dia o tambe VIP-table na balor di Nafl 550,-  pa dia pa 4 persona na  mesa inkluyendo un bòter di bibida aserka.

Públiko ta keda kordialmente invitá dia 30 di Jüni na nos “car & bike show”  den Punda Vibes i tambe dia 2 i 3 di Jüli dianan di kareda di Caribbean Pinks All Out na Curaçao International Raceway.

Por sigui nos riba nos retnan sosial jackycircuit pa informashon adishonal.

 

Leave a Reply

This site uses Akismet to reduce spam. Learn how your comment data is processed.