Selikor NV ta renudá tur servisio segun skema i orarionan regular

Despues ku a suspendé tur servisio debí na pronóstikonan di wer, Selikor NV ta partisipá ku awe nos a reanudá tur servisio segun nos skema i orarionan normal.

 

Pa loke ta trata e servisio di rekohé shushi di kas nos lo pasa awe den e ruta regular di djaweps i mañan den e ruta regular di djabièrnè. Landfill Malpais i Transbordo Koral Specht lo ta habrí segun orarionan normal.

 

Selikor ta gradesí komunidat pa nan komprenshon.