Análisis di krímennan di impakto haltu.

KOMUNIKADO DI PRENSA 372 /2022
2 ougùstùs 2022
Análisis di krímennan di impakto haltu.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

 

Den e periodo di 25 pa 31 di yüli 2022, polis a registrá i a analisá e siguiente aktividatnan
kriminal.
Atrako
Den e periodo ariba menshoná tabatin tres (3) kaso di atrako.
Esakinan a tuma lugá riba respektivamente djaweps 00.30’or, djasabra 02.20’or i 00.20’or.
E sitionan tabata Kanga, Winston Churchillweg i Bermudaweg.
Ladronisia di vehíkulo
Den e periodo aki tabatin tres (3) notifikashon di ladronisia di outo.
E outonan aki a wòrdu hòrtá for di lugá di stashoná outo na e.o. Dreams Hotel i Seru
Bottelier,
Den dos kaso a bai ku un Mitsubishi Lancer i un Kia Cerato.

Kiebro den kas
Polis a registrá dos (2) kiebro den kas di kua mayoria tuma lugá 07.30’or i 20.39’or riba
djaluna i djárason.
Malechornan a penetrá dor di kibra kandal i den e otro kaso kibra bentana di e kas.
E kiebronan aki a tuma lugá den Camaliaweg, Kaya Abeha, Montaña Rey i Trinidadweg.
Kiebro den negoshi
Den e periodo aki no a registrá ningun kiebro den negoshi.
Kiebro den/na outo
Tabatin shete (7) kiebro den outo, ku a tuma lugá riba djárason, djaweps, djabièrnè i
djadumingu i mayoria a tuma lugá entre 02.00’or i 03.45’or.
E método ku mas e malechornan a usa tabata di kibra bentana di patras.

E sitionan na unda a kibra na e outonan tabata Baya Beach, Jumentoweg, Kanga, Playa
Canoa i Winston Churchillweg.
Violensia relashonal
Polis mester a atendé 6 kaso di violensia relashonal, di kua mayoria a tuma lugá durante di
henter siman.
Mayoría di e kasonan aki a tuma lugá entre 16.00’ i 17.00’or.
E áreanan kaminda ku polis mester a duna asistensia pa e tipo di violensianan aki, tabata for
di Koraalspecht te ku Souax Oost.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: