Apertura kampionato MCB CSB

Djabièrnè 12 di ougùstùs e kampionato MCB CSB sòfbòl 2022 ta ranka sali

e kampionato lo ta dediká na Isoneth Polonuis i Asila Finies dos gran baluarte di sòfbòl di Kòrsou.

E aña aki lo tin partisipashon di 12 ekipo femenino ku ta repartí den 6 den klase A i 6 den AA

E ekiponan di AA : Pichngolo, Sta Rosa , Fenix, Souax, Treasure i The Fighting Team

Ekiponan den Klase A : Liberty , Pichingolo, Sta Rosa, Souax, Rising Trotters i Soto

NA SAMBUNTING BALL DEN BRIEVENGAT  tur kos lo tuma luga djabierne

E seremonia lo ranka sali 19:30 hrs ku entrada di brasbènt riba tereno sigui pa representante nan di ekiponan.

Despues di seremonianan korespondiente lo tin e promé wega di kampionato

20:00 hrs    E ekipo benjamin Treasure ta enfrentá  Pichingolo

 

CV kòrtiku di Asils Finies

 

Hungando bala den bario riba plenchi di saliña.

Un bisiña  di nos a hinka mi den un ekipo di softball Piri Piri. Den e ekipo aki mi a militá  nèt un aña. Aki por bisa mi karera den sòftbòl a kuminsá. Despues mi a pasa pa e ekipo di Cardenales. Den Cardenales mi a hunga sòftbòl hopi aña. Ta den e ekipo di Cardenales nos a pone un paro na e racha  di e Pichingolo, e tempu ei nos a hunga na Little League Ballpark.

Den e tempu ei den Cardenales nos a lanta un ekipo hubenil tambe pa duna aporte na formashon di hóbennan den bario.

Hungando bala den Cardenales mi wòrdu selektá pa vários selekshon pa bai representá nos pais den eksterior. E tempu ei Kòrsou tabata forma parti di Antia.

Despues ku Cardenales a kibra mi a drenta Pichingolo pa un tempu largu tambe.

Hungando bala den Pichingolo, Nos goso a lanta un ekipo di 35+ mi a djòin Nos goso

Tanten mi tabata retirá tiki tiki for di fast pich.

I awor aki mi ta dediká tempu na 35+ i 50+

 

 

CV kortiku di Isoneth Polonius

 

 

Karera komo sòftbòlista:

 

Iso su karera di sòftbòl a kuminsa na 1988 ku su 12 anja den e ekipo di The Rangers den kategoria Stimulans y durante di 3 anja a promové bai B-klasse i A-klasse, e tempu ey no tabata tin Little League Softball.

1990: Na edat di 14 anja, Iso a forma parti di Selekshon Hubenil ku a bai Puerto Rico enkabesá pa Soraida Juliana y

Ron Steward…Iso tabata e hungador di mas hoben di e selekshon.

1992-1993: Na edat di 16 anja Iso a kuminsa ekselá den e deporte den su totalidat

Iso a ser invitá den Pre-Selekshon di Antias Hulandes na edat di 16 anja

-Durante e mesun temporada ey, Iso a bira “Umpire” ofisial y skorer pa Little League baseball

Iso tabata skor weganan di sòftbòl tambe.

-Tambe tabata e temporada ku Iso a promové pa klase-AA komo miembro di e ekipo di Cardenales

1994: Na edat di 18 anja, Iso a eksperensiá su prome Kampionato Mundial di Sòftbòl komo miembro di Selekshon di

Antias Hulandes na Canada. Durante di e kampionato Mundial aki, Iso a dal su prome Homerun internashonal

kibrando un “No hit-No run” di e pitcher kontrikante.

Entre 1992 pa 1998, Iso a forma parti di various Selekshon Nashonal representando Antiyas Hulandes den diferente kampionato nan internashonal hungando diferente posishon.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: