PROMÉ MINISTER GILMAR PISAS A REUNÍ KU UN GRUPO DI EMPRESARIO NA COLOMBIA

Willemstad – Promé Minister sr. Gilmar Pisas a reuní ku un grupo di empresario ku ta hasi negoshi i ku ke hasi negoshi ku Kòrsou, na Colombia dia 8 di ougùstùs 2022.

 

Embahador di Reino na Colombia sr. Ernst Noorman a ofresé un lunch na su residensia kaminda Promé Minister sr. Gilmar Pisas por a topa, será konosí i interkambiá di informashon ku algún empresario ku ya ta hasi negoshi ku Kòrsou i algun ku ke kuminsá hasi negoshi ku Kòrsou.

 

E empresarionan aki tabata sra. Yadira Marquez Romero (EoM N.V.), sra. Paola Olaya (Cinex), sr. Victor Manuel Dapena (Curacao Tourist Board), sr. Carlos Roberto Patiño (Friogan), sr. Jaime Sanchez (Salsan), sr. Alfonso Plana (Ari Consulting) i sr. Jan Willem van Bokhoven (Holland House).

 

E empresarionan tabata sumamente kontentu ku nan por a topa ku Promé Minister sr. Pisas.

Tabatin diferente punto, konseho i ideanan ku a bini dilanti i Promé Minister sr. Pisas tambe tabata hopi satisfecho ku e enkuentro i a gradisí tur e empresarionan ku a hasi akto di presensia na e lunch aki. 

Share this page to Telegram

This site uses Akismet to reduce spam. Learn how your comment data is processed.

%d bloggers like this: