HERIDANAN A KONSEKUENSHA DI NOS HISTORIA DI SKLABITUT TA RESIEN Hulanda mester rekonosé lokual nan a hasi, pidi diskulpa i traha riba reparashon

Djarason 17 ougùstùs 2022, dia di konmemorashon lucha pa libertat ku TULA a hiba pa nos, parlamento di Kòrsou a reuní ku komishon di “Binnenlandse Zaken Tweede kamer” di Hulanda.

Tópiko di e reunion tabata “informashon riba e tópiko di sklabitut”. E komishon a bini riba inisiativa di e miembro di “Tweede Kamer” Salima Belhaj. E komishon kier a skucha i kompilá informashon riba e tópiko ariba menshoná.

 

Di parti Trabou pa Kòrsou, Sr. Calmes a trese dilanti ku e historia di sklabitut ta hasi doló. Nos ku tei awor aki ta e di 4 i 5 generashon despues di sklabitut. Pues no ta leu. E heridanan ta resien. Pa TPK ta importante pa Hulanda hasi 3 kos: rekonosé lokual nan a hasi, pidi diskulpa i reparashon. TPK a mustra riba e echo ku na NAAM i Archivo Nashonal tin tur informashon. TPK a papia di e echo ku nan komo Hulandes no sa kiko nos ta sinti. Pa motibu ku ta nan semper tabata e opresor. Ku nan nunka tabata den e posishon di ta abou pa wòrdu oprimí

.

Pa prueba nan ku te awe e situashon no a kambia, TPK a trese algun ehèmpel bibu:

 

  1. TPK a mustra nan riba artikulo 51 i 52 di Statüt di kua profesornan di Hulanda mes a bisa ku nan ta artíkulonan kolonial. Gobernadó por disidí di tuma desishonnan na nòmber di Rei.
  2. Resientemente e Areglo di disputa (geschillenregeling). Akinan na 2015 parlamentonan den reino a yega na 3 akuerdo, pero un sekretario di estado e yega i pone un kantu i bini ku unu di su mes.  Pakolmo Tweede Kamer a vota pro. Ta Eerste Kamer a bari e kos ei for di mesa. Pues na final ta Hulanda ta disidí.
  3. TPK a mustra ku den konseho di minister di Reino, nan ta mas tantu ku nos ministernan plenipotensario. Pues semper ta nan komo Hulanda ta vota i gana.
  4. TPK a mustra riba coho ku un kontenido di dominá, pero tambe e forma ku a IMPONÉ coho riba gobièrnu i chantagiá gobièrnu poniendo preshon.
  5. E preshon ku sekretario di Estado Van Knuffelen ta buta riba minister di finansa pa pasa e lei di ‘’topinkomsten’’ i a purba fòrsa minister presidente di Aruba pa pone preshon riba parlamento di Aruba. Ku otro palabra, no ta respetá kon nos demokrasia ta funshoná. Paso nunka un minister por disidí riba parlamentu. Na final riba pregunta di e miembro Renske Leijten, TPK a duna komo kontesta, ku manera reino Hulandes ta awor aki, TPK sigur no ta interesá pa keda den Reino.

Share this page to Telegram

This site uses Akismet to reduce spam. Learn how your comment data is processed.

%d bloggers like this: