INSTALASHON DIREKTIVA 2022-2023 DI CONCORDIA TOASTMASTERS CLUB

WILLEMSTAD – ConcordiaToastmasters Club a instalá su Direktiva nobo pa aña 2022 -2023, den un esfera trankil i ameno djasabra último.

 

Den un seremonia dirigí pa MC Bonaiza Finex, Ms1, Miembronan nobo di e Direktiva a keda Instalá pa DTM Silvana Willems-Trinidad.

 

E Direktiva di Concordia Toastmasters Club di aña 2022-2023 ta konsistí di:

 

President                                           – TM Armand Hellement

Vice President Education             – DTM Mayra Ostiana

Vice President Membership           – TM Sonia Rojer

Vice President Public Relations   – TM Claudette La Reine-Martina

Secretary                                           – TM Julissa Welvaart-Specht

Treasurer                                           – TM Sahaira Bloem

Sergeant at Arms                             – TM Valerij Susanna-Fraaij

Immediate Past President              – TM Claudette La Reine-Martina

 

E tema ku a skohe pa e aña 2022-2023 di Concordia Toastmasters Club ta: “Persevere to Excellence”   “PERSEVERÁ PA EKSELENSHA”

 

Concordia Toastmasters Club por bai slow, pero ku Determinashon, Persistensha, Pasenshi i Komprendementu, manera un Morkoi. Pero e sa kon siña, praktiká i avansá ku dos pia riba tera, apesar di momentunan di disturbio i atversidat.

 

Toastmasters ta un organisashon ku ta trein su Miembronan pa por dirigí palabra den públiko, siña liderato i hopi otro abilidat ku ta hopi útil pa un Miembro personal, den su trabou i organisashonnan ku e ta den.

 

Den aña 2021-2022, Direktiva i Miembronan a traha HUNTU pa a logra pa di sinku aña den historia di Concordia TMC, e distinshon mas haltu ku un klup di Toastmasters International por optené ku ta “President Distinguished Club”, ku ta un rekonosementu otorgá na un klup di Toastmasters ora e kumpli ku mínimo 9 di e 10 metanan preskribí pa Toastmasters International.

Den e kaso aki Concordia Toastmasters Club a logra.

 

Concordia Toastmasters Club ta kla pa kuminsá ku su Reunionnan Edukashonal tur prome i di tres djarason di luna. Pues 2 biaha pa luna.

Djarason dia 24 di ougùstùs 2022, nos ta inisiá na Kapel di GGD, Zakito, Mundu Nobo.

 

Si bo ta interesá di ekipá bo mes ku abilidatnan di por papia den públiko, liderato i komunikashon en general bo por tuma kontakto ku nos Vise Presidente di Miembresia – Sra. Sonia Rojer via e-mail na royaltoasts@gmail.com, muizenberg209@gmail.com.

 

Toastmasters ta pa abo tambe

TM Valerij Susanna-Fraaij, TM Sahaira Bloem, TM Julissa Welvaart-Specht, TM Claudette La Reine-Martina, TM Sonia Rojer, DTM Mayra Ostiana, Sr. Presidente Armand Hellement.

APESAR DI E DIVERSIDAT, NOS DI CONCORDIA TMC, TIN ALGU EN KOMUN.

KUA EDAT, KUA PREPARASHON, KUA TRABOU, OF KUA KRENSHA, DEN CONCORDIA TMC, BO TA SINTI I MIRA E VIBRASHON HARMONIOSO, PA NOS KRESE HUNTU.

Concordia Toastmasters Club

Vice Presidente Relashonista Públiko

Claudette La Reine-Martina

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: