‘Una Escapadita’ nobo pa ICONS i Jeon

ICONS a bin ta produsí nònstòp:

‘Una Escapadita’ nobo pa ICONS i Jeon

 

WILLEMSTAD/  ICONS ta un di e bandanan ku a sigui produsí sin kue rosea, asina por menshoná piesanan ‘live’ den tur género i naturalmente e produkshonnan grabá den studio ku durante di e ultimo tempunan a bin ta hala hopi atenshon. Tantu den farándula, komo den notisia. E kolaborashon ku Jeon ta duna fruta na un otro kansion ku sigur lo hala hopi atenshon den e próksimo tempunan. ‘Una Escapadita’ ta konta e storia di un yònkuman i un peki ku a topa su amor berdadero; awor ta sali riba un  ‘escapadita’ pa mira si e sentimentu ta igual i formalisá nan amor. E spesial di e videoclip grabá na Las Vegas ta ku Jeon a graba esaki ku su propio namorada i esaki naturalmente ta hasi ku e videoclip ta unu hopi sensual. Ta duna e fanátiko un ‘sneak peek’ den e bida privá di e ídolo arubano. Entretantu e videoclip guiá pa e produktor Edward Silberie tin riba 25,000 views den su promé fin di siman. E kansion komponé pa Jeon i HnlY, areglá pa CaTiPa ta riba e kanal di YouTube di KJ74 Entertainment i tur otro plataforma manera iTunes, Spotify, Tidal i Apple Music. 

 

ICONS ta gradisí tur radioemisora i fanátiko; kansionnan di ICONS ta gran faborito den lista musikal di kualke DJ i lokutor hasiendo ku den vários Tòp 25 na Kòrsou, Aruba i Boneiru e banda ta okupá diferente puesto tur siman.  MASHA DANKI!