Dia 1 di òktober na Lanthùis Chobolobo: DESTRA na Kòrsou pa jump-in ‘Bacchanal Tribe’ di A’legria!

Dia 1 di òktober na Lanthùis Chobolobo:

DESTRA na Kòrsou pa jump-in ‘Bacchanal Tribe’ di A’legria!

 

WILLEMSTAD/ Ayera durante di un enkuentro ku prensa grupo di karnaval A’legria a presentá e proyekto Bacchanal Tribe ku presentashon di DESTRA, Queen Of Bacchanal i su banda! DESTRA lo ta live djasabra dia 1 di òktober pa e jump-in di grupo di karnaval A’legria. Dj RO-1 ku ta dj di kas pa A’legria e temporada di karnaval, a presentá tur informashon pa e evento. RO-1 a indiká ku e ambiente di 1 di òktober lo ta unu di puru adrenalina. Imaginábo e soca/ roadjam kombiná ku nos dushi tumba i roadfire pa krea un ambiente eksplosivo den Chobolobo! Preparashon pa e gran evento ya a kuminsá, Efrem Mambi enkargá ku produkshon a duna di konosé ku tur kos ta riba skema. Meskos, Hubert ‘Bert’ Isenia tambe a duna un ‘update’ di e trahenan di A’legria pa Gran Marcha 2023. E grupo enkabesá pa Gianni i Kenley Jansen ta subi kaya otro aña ku ICONS, QSIGN Mellowstreet RO-1 i ATANIRO- ku un grupo ku lo konta ku alrededor di 1,300 partisipante.

 

DESTRA na Kòrsou:

Den e jump-in ‘Bacchanal Tribe’ tambe lo presentá ICONS, ERA, ONE i lo tin presentashon di RAEY, La Diva GiGi, RO-1 i MC Chris Strick. Early bird a sali kaba na balor di 65 florin i despues lo bira 85 florin (na porta si sobra). Ta invitá tur miembro i karnavalistanan pa kumpra nan karchi trempan, optenibel na 24 Uur Uit De Muur i Mensing Caminada. Early bird a sali kaba na balor di 65 florin. Sigui tur desaroyo i preparashon di Grupo di Karnaval A’legria riba Facebook, Instagram i alegriacuracao.com.

Share this page to Telegram

This site uses Akismet to reduce spam. Learn how your comment data is processed.

%d bloggers like this: