TRABOUNAN DI REPARASHON ENKONEKSHON KU PROBLEMATIKA DI AWA RIBA ROUVILLEWEG
MINISTERIO KONSERNÍ TRÁFIKO, TRANSPORTE I PLANIFIKASHON URBANO
TRABOUNAN DI REPARASHON ENKONEKSHON KU PROBLEMATIKA DI AWA RIBA ROUVILLEWEG
PUBLIKÁ RIBA 20 ÒKTOBER 2022
Willemstad – Minister Charles Cooper huntu ku Servisio pa Obra Públiko (OW) ta informá ku entrante 22 di òktober 2022 ta bai hasi trabounan di reparashon na e álsera enkonekshon ku problematika di awa riba Rouvilleweg (dilanti ántes Hotèl Otrobanda).
Debí na e problematika di awaseru ku ta keda para riba e karetera aki, OW lo bai hasi trabou di reparashon pa remediá esaki. Esaki ta pa garantisá ku e fluho di awa ta bai mas rápido i no ta keda konsentrá riba e karetera.
E trabounan aki lo tuma lugá den Rouvilleweg riba e álsera dilanti ántes Hotèl Otrobanda i lo tin un durashon di 3 siman. Orario ku lo ehersé e trabou aki ta di 7or di mainta pa 4or di atardi. Ilusion General Contractors ta e kontratista ku lo bai ehersé e trabou.
Lo tin barinan oraño i bòrchinan ku ta indiká kon e tráfiko lo wòrdú desviá pa e peaton i outomobilistanan. Ta hasi un apelashon na tur outomobilista pa kore ku koutela.
