TREMENDO PARTIDO AMISTOSO  PA INISIÁ KAMPIONATO FEMENINO! SELEKSHON PARIBA VS SELEKSHON PABOU, 22 ÒKTOBER 2022!

TREMENDO PARTIDO AMISTOSO  PA INISIÁ KAMPIONATO FEMENINO!

SELEKSHON PARIBA VS SELEKSHON PABOU, 22 ÒKTOBER 2022!

 

 

Djasabra 22 di òktober binidero lo tin un tremendo partido amistoso p’asina duna inisio na Kampionato Femenino 2022-2023. Stadion Rignaal ‘Jean’ Francisca lo sakudí ora Selekshon Pariba topa kara kara ku e Selekshon Pabou durante un partido pa nos damanan áktivo den Kampionato Femenino. E partido aki lo inisiá 7’or di anochi i ta kompletamente grátis.

 

Despues di e tremendo torneo di ‘warm-up’ pa kategoria U-15 i e promé edishon di ‘Girls Meet Soccer 2022’, djasabra 22 di òktober futbòl femenino ta kontinuá den forma di un partido amistoso. E 4 entrenadónan na kabes di e selekshonnan a skohe algun hungadó for di tur e 10 ekiponan femenino pa forma 2 selekshon. A parti e timnan den área di Pariba ku Pabou i asina forma e selekshonann ku lo enfrentá otro djasabra awor.

Christopher Jacobus ku su asistente Rovian Carolina ta esnan na kabes di e Selekshon di Pariba miéntras Marisol Bomberg i Armand Zimmerman ta na kabes di e Selekshon di Pabou.

E meta di e partido aki ta pa nos damanan ku no a keda selekshoná den un selekshon femenino, haña e oportunidat di forma parti di un selekshon i mas ku klaro midi forsa p’asina kuminsá prepará pa e kampionato ku lo kuminsá proksimamante.

 

Un biaha mas FFK ta spera di tin un anochi plasentero kaminda nos dama ta bai mustra un i tur kiko tur nan tin aden!

 

FFK i Komishon Femenino ta invitá pueblo di Kòrsou kompletu pa bin apoyá i sostené nos damanan durante e partido di Selekshon Pariba vs Selekshon Pabou!

 

Nos ta topa, djasabra 22 di òktober 7’or di anochi den Stadion Rignaal ‘Jean’ Francisca!

 

20 òktober 2022

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: