Briëlle van Thijs ta kla pa representá Kòrsou

 

 

Briëlle van Thijs ta kla pa representá Kòrsou

 

Willemstad- QMQ Organization ta orguyoso pa informá ku Briëlle van Thijs, di dos finalista di Miss Teenage Globe Curaçao 2022 ta den preparashon intenso pa representá Kòrsou na Cartagena Colombia den e sertámen Miss Teen Latina 2022 di 7 pa 12 di novèmber proksimo.

 

Briëlle van Thijs ta yu di Miss Curacao ’94-‘95 Marushka van Thijs Jansen ku a representá Kòrsou algu aña pasa na Miss Universo.

 

Briëlle van Thijs ta hañando kursonan di public speaking, pasarela, orientashon, gym. Tambe ta preparando su kolekshon di pañanan ku nos representante lo lusi na Cartagena Colombia.

 

QMQ Organization bou di guia di Ayanette Statia tin tur konfiansa ku Briëlle van Thijs ta kla pa representá Kòrsou dignamente i ta invitá pueblo di Kòrsou pa sigui tur e paginanan sosial di nos representante pa disfrutá di kada momentu i sa ku nos tur por ta orguyoso di otro digno representante!

 

Briëlle van Thijs lo biaha 6 di novèmber awor pa kuminsa inmediatamente ku e trabounan i e sertámen final lo ta 12 di novèmber i lo wòrdu transmiti atraves di e plataforma di youtube di Miss Teen Latina.

 

Ban sigui apoyá i sostené nos Briëlle van Thijs riba páginanan international. Like i share pa asina nos mustra nos sosten.

Share this page to Telegram

This site uses Akismet to reduce spam. Learn how your comment data is processed.

%d bloggers like this: