Pronóstiko di tempu pa Kòrsou i bisindario bálido te djasabra mainta 6:00 o.l., 29 di òktober 2022.

 

Pronóstiko

Pronóstiko di tempu pa Kòrsou i bisindario bálido te djasabra mainta 6:00 o.l., 29 di òktober 2022.
Kompilá: 
djabièrnè 28 di òktober 2022, 05:00 o.l. (09:00 UTC).

Tempu: Generalmente parsialmente nublá ku chèns pa un áwaseru.

Temperatura máksimo lo alkansá 30ºC i temperatura mínimo 26ºC.
Solo ta sali 06:28 i ta baha 18:11 o.l.

Bientu: Direkshon nan nortwèst, de bes en kuando direkshon variá i por lo general suak; forsa 2 te 3 (7 te 19 km/ora, 4 te 10 nudo). Riba djasabra birando wèst i por lo general moderá den ráfaga; forsa 4 te 5 (20 te 39 km/ora, 11 te 21 nudo).

Situashon general: Kondishon atmosfériko ta kontinuá faborabel pa desaroyo di algun nubia ku áwaseru den nos region durante partinan di awe. Ademas, e forsa di bientu lo keda relativamente suak den e siguiente dianan.

Kondishon di laman: Por lo general trankil ku altura di olanan entre 0.5 i 1.5 meter (2 pa 4 pia). Bientu mas fuerte riba djasabra lo generá olanan relativamente haltu na kostanan sùit.

Sistemanan tropikal signifikante: Aktualmente tin dos disturbio ku potensial pa sigui desaroyá i bira un siklon durante e próksimo dianan. Esun riba e sekshon sùitwèst di Osean Nort Atlántiko tin un posibilidat limitá pa konbertí den siklon. E otro ta un disturbio den desaroyo riba parti ost di Karibe ku posibilidat medio pa intensifiká i bira un siklon. Ningun di e dos sistema nan tropikal aki ta un menasa pa Kòrsou. No opstante esaki, Departamento Meteorológiko Kòrsou ta vigilá en espesial e disturbio den ost di Karibe.

Fenómeno spesial: Ningun.

Perspektiva te djadumingu mainta: Parsialmente nublá ku chèns pa un áwaseru lokal, miéntras bientu lo supla for di un direkshon wèst.

Meteorólogo: Coffie

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: