KÓDIGO HEL: UN MENSAHE DI PREKOUSHON PA LAMAN BRUTU TA NA VIGOR PA ÁREANAN DI KOSTA WÈST DI KÒRSOU Pronóstiko di tempu pa Kòrsou i bisindario bálido te djaluna mainta 06:00 o.l., 31 di òktober 2022.

Pronóstiko

Pronóstiko di tempu pa Kòrsou i bisindario bálido te djaluna mainta 06:00 o.l., 31 di òktober 2022.
Kompilá: 
djadumingu 30 di òktober 2022, 05:00 o.l. (09:00 UTC).

KÓDIGO HEL: UN MENSAHE DI PREKOUSHON PA LAMAN BRUTU TA NA VIGOR PA ÁREANAN DI KOSTA WÈST DI KÒRSOU

Tempu: Por lo general parsialmente nublá ku chèns pa un yobida lokal.

Temperatura máksimo lo alkansá 30ºC i temperatura mínimo 25ºC.
Solo ta sali 06:28 i ta baha 18:11 o.l.

Bientu: For di direkshon variá i por lo general suak te moderá; forsa 2 te 3 (7 te 19 km/ora, 4 te 10 nudo).

Situashon general: Un disturbio na nivelnan abou i medio di atmósfera lo sigui influensiá e kondishonnan atmosfériko lokal pa algun desaroyo di nubia durante próksimo dianan. E nubianan aki lo krusa riba nos region i por trese un yobida riba partinan di nos isla. Ademas, e forsa di bientu lo keda relativamente suak durante di dia awe i lo suplá for di direkshon sùit pa sùitwèst. Durante djaluna esaki lo suplá un bes mas for di direkshon ost  i lo oumentá un poko den forsa. Pa resto di siman, ta premirá dianan ku basta yobida den nos área.  E yobidanan premirá lo ta lokalmente moderá te fuerte i lo kousa molèster di awa na e lugánan di kustumber.

Kondishon di laman: Por lo general trankil ku altura di olanan entre 0.5 i 1.5 meter (2 pa 4 pia). Bientu mas fuerte lo por generá olanan relativamente mas haltu na kostanan sùit i wèst.

Sistemanan tropikal signifikante: Un disturbio den desaroyo riba parti ost di Karibe ku posibilidat pa intensifiká i bira un siklon ta e sistema dominante na e momentu aki. Servisio Meteorológiko Kòrsou ta sigui vigilá e posibel desaroyo di e sistema aki.

Fenómeno spesial: Ningun.

Perspektiva te djamars mainta: Hopi nublá ku yobidanan kompaña pa aktividat di welek i bos.

Meteorólogo: Correa.

BOLETIN SPESIAL Nr. 1

SERVISIO METEOROLÓGIKO KÒRSOU

DJASABRA, 29 DI ÒKTOBER 2022, 08:00 O.L.

UN MENSAHE DI PREKOUSHON (KÓDIGO HEL) PA LAMAN BRUTU TA NA VIGOR PA ÁREANAN DI KOSTA WÈST DI KÒRSOU

******ANÁLISIS DI PRONÓSTIKO TA INDIKÁ DESAROYO DI KONDISHONNAN DI LAMAN BRUTU KU POR MENASÁ PARTINAN DI KOSTA DI KÒRSOU******

 

E KONDISHONNAN AKI LO DURA FOR DI DJASABRA, 29 DI ÒKTOBER 2022, 08:00 O.L. TE DJADUMINGU, 30 DI ÒKTOBER 2022, 08:00 O.L.

 

IMPAKTO ANTISIPÁ:

  • Resake i/òf bientu fuerte lo kousa laman brutu na kosta;
  • Ola haltu lo kousa daño na boto chikí, si esakinan keda na tera kantu di awa;
  • Inundashon di kosta lo kousa daño na fasilidatnan na playa.

 

MEDIDA DI PREKOUSHON:

  • Ta konsehá usuario di boto chikí pa tene kuidou ora ku nabegá den e kondishonnan aki;
  • Debí ku inundashon ta probabel den sierto área kantu di kosta, ta urgi doño di fasilidatnan na kosta pa protehá nan propiedat, kaminda ku esaki ta posibel.
  • Ta konsehá hende ku ta landa pa tene kuidou i no bai leu for di kantu

 

DEFINISHONNAN:

Un Boletin Spesial ta ser emití pa eventonan di wer ku ta kousa inkonbeniensia general òf preokupashon den pueblo (ku ta rekerí atenshon i akshon di outoridatnan di brantwer i polis) i ku no por ser deskribí na un manera adekuá den un pronóstiko di tempu regular.

Un Mensahe di Prekoushon pa Laman Brutu ta un anunsio pa ora ku laman brutu ta posibel (probabilidat di 10 pa 30%) denter di próksimo 8 pa 24 oranan.

E frase ku ta kuminsá ku E KONDISHONNAN AKI LO DURA FOR ta duna un aproksimashon di e periodo di durashon di e kondishonnan di peliger.

KEDA PENDIENTE PA MAS INFORMASHON.

E siguiente boletin lo wòrdu emití djadumingu, 30 di òktober 2022, 08:00 o.l.

Share this page to Telegram

This site uses Akismet to reduce spam. Learn how your comment data is processed.

%d bloggers like this: