REUNION KU WAYNE STATE COLLEGE

MINISTERIO KONSERNÍ ENSEÑANSA, SIENSIA, KULTURA & DEPORTE

 

REUNION KU WAYNE STATE COLLEGE

PUBLIKÁ RIBA 09 NOVÈMBER 2022

WILLEMSTAD – Kabinèt di Minister di Enseñansa i Sekretario-General di Ministerio di Ensenansa, Siensa, Kultura i Deporta Sra. Susan Larmonie-van Heydoorn a reuní ku Wayne State College pa wak kiko ta e posibilidat pa renobá e akuerdo di koperashon (MOU). E MOU ta for di aña 2018 firmá i esaki ta duna nos studiantenan un bon rebaho i preis rasonabel pa sigui estudio na nan skol.

E skol aki ta konosí pa su bon sosten na studiantenan, nèt loke nan mester pa terminá ku éksito i na tempu. Wayne State College ta situá a Nebraska, Estados Unidaos i tin 39 studiante di Kòrsou aktualmente. Nan ta duna guia na studiante di forma personalisá ku enfoke pa práktika den ramo di negoshi (business management), salubridat (healthcare) i hustisia (criminal justice). Pa mas informashon di e ‘College” bishitá: http://www. https://www.wsc.edu/.

Durante e kombersashon tabata tei presente Vise presidente Sr. Kevin Halle i e direktor asistente di atmishon kompañá pa un (studiante) Wiryoka Monte. Wiryoka Monte ta un studiante yu di Kòrsou ku a hasi su bachelor na Wayne State College i awor ta terminando ku su master online.

Gobièrnu di Kòrsou ta sigui traha na adelanto pa nos pais dor di brinda mas oportunidatnan na nos hóbennan pa studia den eksterior i na un preis rasonabel.

KOMUNIKASHON

**riba e potrèt athunto por tuma nota di e bishita.

Share this page to Telegram

This site uses Akismet to reduce spam. Learn how your comment data is processed.

%d bloggers like this: