Quincy Girigorie ku un programa di radio

Quincy Girigorie ku un programa di radio

 

Kuminsando djárason awor, 16 di novèmber Quincy Girigorie lider polítiko di Partido Alternativa Real (PaR) lo tin un programa di radio semanal na Radio Margaritha. Ku e programa aki Quincy lo ta den kombersashon ku tur ku ta skucha i tambe invitadonan. E meta  di e programa ta pa kombersá riba diferente tópiko ku ta aktual den polítika pero tambe papia ofer di loke ta biba bou di nos hendenan.  Tur djárason lo bo por sintonisá Radio Margaritha via e emisora 90.3 di 18.45 – 19.45pm.

Nos ta pidi un i tur pa skucha e programa i tambe duna aporte na esaki dor di yama i kompartí ku otro. Un danki tambe ta bai Francis ‘Grandi’ Kenepa ku ora nos a kompartí e idea kuné pa un programa di radio i e meta tras di esaki a brinda nos e espasio pa hasi e soño aki un realidat.

Pa mas informashon di e programa di radio nos ta invitá Abo djárason awor pa 18:45pm pone bo radio na 90.3 Radio Margaritha i skucha.