SOAW ta pidi komprenshon di klientenan pa ku retraso.

SOAW ta pidi komprenshon di klientenan pa ku retraso.

Willemstad – Den próksimo lunanan klientenan lo por bai nota mehoransa den e servisio na Kasnan di Bario. Debí na falta di personal na e momentunan akí SOAW, no por duna un servisio optimal na e kantidat hopi grandi di klientenan ku ta akudí na Kasnan di Bario i atendé tur e petishonnan ku ta drenta pa yudansa. E falta di personal ta debí na e kantidat di personal di SOAW ku a baha VVU (Vervroegd Vrijwillige Uitstroom).

Entretantu SOAW a kuminsá tuma algun medida pa remediá e situashon. SOAW lo buska personal temporal pa yuda ku e trabounan atrasá. Ademas SOAW ta den proseso pa ‘upgrade’ i digitalisá pa di manera ku servisio pa funshoná mas efektivo den asistensia na klientenan. SOAW ta spera ku den e próksimo lunanan e situashon lo normalisá. SOAW ta pidi su diskulpa pa ku e retrasonan i ta pidi klientenan komprenshon pa ku e situashon aktual.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: