Minister Pietersz- Janga ta duna deklarashon riba Selikor N.V.

Minister Pietersz- Janga ta duna deklarashon riba Selikor N.V.

Willemstad –  Resientemente nos por a tuma nota di deklarashonnan di señor Wesley Kook direktor di Selikor i tambe di sindikato BTG den medionan di komunikashon. Komo minister responsabel pa Selikor i higiena di Kòrsou, señora Minister Pietersz- Janga kier aklará algun punto.

 

Minister Pietersz- Janga ta deklará ku dia 1 di yüni último Konseho di Minister a bai di akuerdo ku diferente punto ku Selikor mester kumpli kuné pa asina por haña finansiamentu den forma di diferente “tranche”.
Tin un “beheersovereenkomst” ku ta data di aña 1996 den kual ta indiká ku Ministerio di GMN ta responsabel pa verifiká si Selikor a kumplí ku e tareanan.

 

A base di e akuerdo di trabou ey Selikor mester kumpli i entregá diferente raportahe den kual por mira kon Selikor ta responsabilisá trabounan ku a keda palabrá. Mester bisa ku no ta tur dokumento ku a pidi a keda entregá i òf ta sufisiente responsabilisá dor di Selikor.

 

Pa e motibu aki Minister Pietersz- Janga i su ministerio a ekstendé un invitashon na direktor di Selikor pa por yega mas pronto posibel na un solushon ku ta na benifisio di pueblo di Kòrsou.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: