KRANSHI I REIBEWEIS TA SERA MAS TREMPAN DJABIÈRNÈ 9 DESÈMBER

WILLEMSTAD – Servisio Públiko konosí komo Kranshi i Ofisina di Reibeweis na Sta. Rosa por risibí nan klientenan di 8’or pa 11’or di mainta djabièrnè awor, 9 di desèmber 2022.

E dos departamentonan akí lo sera 11’or di mainta, kual ta nifiká ku lo no por duna e servisio kustumbrá despues di e orario akí. Esaki relashoná ku seshon interno di kapasitashon pa tur empleado di e departamentonan.

Tur dos ofisina ta pertenesé na Sektor di Servisio Públiko di e Ministerio di Maneho di Gobernashon, Planifikashon i Servisio Públiko i ta habri atrobe riba djaluna 12 di desèmber 2022 segun e orario kustumbrá.