MINISTER COOPER TA DUNA KONTESTA TOKANTE SEGURIDAT DI TRÁFIKO NA PARLAMENTO

Willemstad – Riba djabièrnè 9 di desèmber, Minister Charles Cooper tabata presente den Parlamento di Kòrsou pa kontinuá ku e reunion tokante seguridat di trafiko. Durante di e reunion aki, Minister Cooper a duna kontesta riba varios pregunta di parlamentarionan riba e aspekto di seguridat di tráfiko.

 

Algun di e pregunta/remarkenan i kontestanan ku a bin dilanti tabata entre otro:

 

1. ‘Ta bon pa traha riba un Road Safety Plan’

Ministerio di Trafiko, Transporte I Planifikashon Urbano (VVRP) ta trahando riba un ‘Road Safety Plan’ aktualisá. E plan di Road Safety ta repartí den Data, Hende i Komportashon, Vehíkulo, i Infrastruktura

 

2. ‘Tin ouditorio di kamindanan den otro paisnan. No a bin ku solushon pa e kamindanan’

VVRP a hasi ouditoria na rotònde di Sta. Rosa i na rotònde Julianadorp. Na Sta. Rosa a kambia e direkshon di sierto parti di kayanan i esaki a pone ku mas vehíkulo por pasa. Di e forma aki, a trese alivio den tráfiko I baha fila. Servisio pa Obra Publiko a skohe kiko e por  implementá

 

3. Kaminda Bándabou, Caracasbaai, Winston Churchillweg, Nieuwe Havenweg ta kobra hopi bida di hende. Minister por menshoná e kamindanan I kiko minister lo bai hasi?

Kada aña, e kompania Forensys ta saka un lista di e kayanan ku mas aksidente/insidente. Esakinan pa 2022 tabata: FD Rooseveltweg, Schotegatweg Noord, Winston Churchill, Carcasbaaiweg, Helmin Wiels blv, Nieuwe Haven, Weg naar Westpunt, Jan  Noorduynweg, i Cas Coraweg.

 

VVRP ta studia e sifranan ku regularidat pa hasi análisis i duna rekomendashon. A inkorpora e rekomendashonnan den un programa di mas anja, ku ta inklui entre otro seguridat rondo di skolnan, markamentu di kaya, i mobilario di kaya.

 

Tambe, VVRP ta hasi kampaña di informashon pa asina eduká e partisipantenan den tráfiko. Ta bai skolnan i ta papia ku e muchanan pa konsientisá riba reglanan den tráfiko. For di análisis, a konstatá ku muchanan ta yuda e mayornan ta mas alertá pa komportashon den tráfiko.

 

4. Kuantu ta e kasonan/aksidentenan fatal di sifranan den último 10 aña?

2012: 13

2013: 14

2014: 19

2015: 20

2016: 18

2017: 17

2018: 18

2019: 17

2020: 16

2021: 19

2022 (te ku òktober): 19

 

5. Ta mira un liña (pa loke ta kasonan fatal)?

E promedio di viktima fatal ku pa aña ta 17-21. Despues di analisá detayes, lo por indiká kiko ta e posibel liña. Tin kasonan di mas ku un víktima fatal den 1 aksidente.

 

Asina Minister Cooper huntu ku ekspertonan di su ministerio a kontesta preguntanan ku a bin dilanti di parti di nos parlamentarionan.

 

Minister Cooper lo sigui traha pa alsa seguridat di tráfiko i ta para kla semper pa duna kuenta i rason na Parlamento di Kòrsou

WhatsApp Unknown 2022-12-09 at 11.10.05