Pronóstiko di tempu pa Kòrsou i bisindario bálido te djamars mainta 06:00 o.l., 20 di desèmber 2022.

 

Pronóstiko di tempu pa Kòrsou i bisindario bálido te djamars mainta 06:00 o.l., 20 di desèmber 2022.

Kompilá:
djaluna 19 di desèmber 2022, 05:00 o.l. (09:00 UTC).

 

KÓDIGO HEL: UN MENSAHE DI PREKOUSHON PA LAMAN BRUTU TA NA VIGOR PA ÁREA NAN SERKA DI KOSTA NORT I OST DI KÒRSOU.

 

Tempu:
Temporalmente basta nublá i bista ta sigui un poko redusí dor di presensia di santu fini prosedente for di Sahara. Algun área di Kòrsou lo eksperensiá un òf mas yobida durante awe mainta.

Temperatura máksimo lo alkansá 29ºC i temperatura mínimo 25ºC.
Solo ta sali 06:50 i ta baha 18:15 o.l.

Bientu:
For di direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte; forsa 6 (40 te 50 km/ora, 22 te 27 nudo).

Situashon general:
Entrada di humedat den e sekshon suitost di Karibe favoresé kondishon atmosfériko pa formashon di nubianan. Pa e motibu aki, áreanan di mas nubia lo pasa de bes en kuando riba nos region durante di próksimo oranan i algun di esakinan por produsí algun yobida riba e teritorio lokal prinsipalmente durante e promé mitar di dia awe. Mas aleu, no ta antisipá muchu kambio den e patronchi di preshon riba e sekshon suitost di Karibe, ku lo mantené e fluho di bientu igual na e último dianan.

Kondishon di laman:
Moderá ku altura di olanan entre 1 i 1.5 meter (3 i 5 pia). E laman pegá ku kosta na nort ta sigui basta brutu den resake ku olanan ku por alkansá altura di 2.5 meter (8 pia).

Fenómeno spesial:
Ningun.

Perspektiva te djárason mainta:
Parsialmente nublá i ku algun yobida lokalmente durante oranan di mardugá.

Meteorólogo:
Correa

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: