Apertura edifisio nobo di SOAB d.d. 16 di yanüari 2023

Minister Javier Silvania

Apertura edifisio nobo di SOAB d.d. 16 di yanüari 2023
Ta un inmenso plaser pami di por tuma parti na e dia tan festivo aki. Awe ta e dia ku nos ta selebra apertura di e bunita edifisio aki. E mudansa pa e edifisio nobo aki, ta bolbe demostra ku SOAB ta mira e importansha di traha di un forma efisiente i efektivo.
E edifisio nobo aki ta enfatisa ku SOAB ta keda evolushoná. Manera hopi hende sa kaba, e servisionan ku SOAB ta brinda ta hopi amplio. Banda di kontrol di sifras, SOAB ta duna tambe konsehonan riba tur ramo, tantu den sektor gubernamental komo esun semi-gubernamental. Pa por hasi esaki di un forma optimal, ta hopi esensial pa hasi uso di e teknologianan mas moderno ku ta eksisti. Anto e edifisio moderno aki ta demostra ku SOAB a kue e kaminda korekto.
E edifisio aki ta hasi SOAB kompletamente kla pa sigi traha di un forma optimal, hasiendo uso di e ultimo teknologianan. Mi ta tribi pa propone na SOAB pa nan por kuminsa tene reunion ku trahadonan di aparato publiko akiden!! Di e forma ei SOAB por asesora i inspira tur e ministerionan di un forma formidabel.
Komo ku mi konose facebook miho ku kualke hende, anto mi konose kiko hende ta purba hasi Breaking News, mi ta remarka mesora lo sigiente: e huur (inkluyendo koriente i awa) ku SOAB ta paga pa e edifisio aki, ta mas barata di lokual SOAB tabata paga na e edifisio ku nan tabata huur prome ku esaki. Otro kos importante pa menshona ta e echo ku e doño di e edifisio aki no ta famia di ningun direktor di SOAB. E edifisio aki ta di APC, e huur ta bai pa APC. Dus por fabor, no bai inventa niun Breaking News enkuanto e edifisio aki!
Mi ta yama hinter SOAB masha masha danki pa e bon koperashon i gran trabounan ku e gerensia i trahadonan di SOAB a bin ta eherse pa nos dushi Korsou durante e lastu un aña i mei. Mi ta sigi konta ku boso koperashon den e sigiente añanan, pa asina nos por sigi mehora tur e puntonan di atenshon den nos aparato publiko i semi-publiko. Mi tin sigur ku huntu nos por logra hopi, anto no tin duda ku nos lasonan ta mas fuerte ku nunka!
Na nòmber di Gobièrnu di Kòrsou nos ta felisitá direktiva, staf i personal di SOAB ku apertura di e edifisio nobo aki i laga nos hasi bon uso di dje pa bienstar i progreso di Korsou.
Share this page to Telegram

This site uses Akismet to reduce spam. Learn how your comment data is processed.

%d bloggers like this: