𝗠𝗜𝗡𝗜𝗦𝗧𝗘𝗥 𝗠𝗔𝗗𝗨𝗥𝗢 𝗔 𝗕𝗜𝗦𝗛𝗜𝗧𝗔 𝗖𝗘𝗗𝗘 𝗗𝗜 𝗠𝗘𝗣 𝗣𝗔 𝗖𝗘𝗟𝗘𝗕𝗥𝗔 𝗗𝗜𝗔 𝗗𝗜 𝗡𝗢𝗦 𝗟𝗜𝗕𝗘𝗥𝗧𝗔𝗗𝗢𝗥 𝗕𝗘𝗧𝗜𝗖𝗢 𝗖𝗥𝗢𝗘𝗦
Riba dia di Betico, despues di e Acto Protocolar riba Plaza Libertador Betico Croes, Minister Xiomara Maduro a cuminsa cu su bishitanan pa cu Dia di Betico. E mandatario a bishita Cede di MEP cu tabata tin un exposicion di Betico Croes como Lider di MEP y a disfruta di e tremendo ambiente cu musica y cuminda crioyo pa celebra e dia aki.
Durante e bishita aki, e mandatario encarga cu Cultura a haya un momento pa toca Cah’i Orgel, algo cu e mandatario ta disfruta haci cada biaha cu e haya e oportunidad. ‘Cultura bo tin cu bib’e, esaki ta un lema cu semper mi ta usa y cu un dia manera awe ta tipifica locual ta mi trabou como mandatario, pero tambe mi participacion como un ciudadano di nos Pais. Ta riba dianan manera awe nos ta haya e oportunidad pa sigui biba nos Cultura y pa mantene esaki bibo pa nos mes y pa nos futuro generacion’ tabata palabra di Minister Xiomara Maduro na e ocasion aki.
Minister Maduro ta gradici e directiva di MEP y Comision di Damas ‘Forsa Femenino Grace’ pa e tremendo evento aki y ta gradici tur esnan cu a bishita Cede di MEP pa sa un tiki mas di nos gran estadista Arubiano, Betico Croes.
