KOMUNIKADO DI PRENSA 047/2023.
6 febrüari 2023.

Tres detenshon relashoná ku ladronisia.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 6 di febrüari 2023, alrededor di 04.04’or di mardugá, sentral di Polis a risibí un
notifikashon ku tin un ladronisia di piesa for di vehíkulo ta tumando lugá na haf di piskadó
na Caracasbaai.
Mesora a dirigí un unidat na e sitio.
E unidat ku a yega na e sitio a sorprendé tres sospechoso net na momentu ku nan tabata
kometé nan akto.
Na momento ku polis a sorprendé e sospechosonan nan a hui den un vehíkulo i despues a
kuminsá un persiguishon tras di e sospechosonan.
Durante di e persiguishon na varios okashon a ninga órdu di polis pa para i polis mester a
hasi uso di su arma reglamentario.
Na altura di un establesimentu ku ta bende material pa konstrukshon riba Schottegatweg
West polis a logra para e vehíkulo.
Na e sitio a detené e sospechosonan.
Ta trata di: N.A.S., di 20 aña di edat, E.C.R., 20 aña di edat i J.G.M., di 21 aña di edat, tur
tres nasé na Kòrsou.
Despues a tene tres entrada hudisial na Gilbraltar, Sto. Domingoweg i Blanquillaweg.
Polis a haña i konfiská artíkulonan ku ta di importansia pa e investigashon.
A presentá e sospechosonan dilanti un fiskal ouksiliar ku despues di interogashon a
ordená nan enkarselamentu pendiente di mas investigashon.