KOMUNIKADO DI PRENSA 061/2023.
12 febrüari 2023.

Detenshon relashoná ku kaso di hinkamentu.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 12 di febrüari 2023 alrededor di 00.45’or, di mardugá Sentral di Polis a risibí
informashon di un kaso di hinkamentu ku a tuma lugá riba Kaminda Brievengat.
Un unidat polisial a keda dirigí na e sitio i a bin enkontrá un hòmber ku hinka na varios parti
di su kurpa.
E hòmber aki a konta polis ku despues di un diskushon un konosi di dje lo mester a propin’é
hinká na varios parti di su kurpa.
Mesora a pidi ambulans pa presentá na e sitio ku a transportá e víktima pa Sala di
Emergensia di C.M.C.
Alrededor di 01.00’or a detené e hòmber sospechoso S.G.E.K., nasé na Kòrsou di 26 aña di
edat, na su kas na kaya Tor van der Linde.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.