Trabou di e kolaboradó di maneho Violensia Doméstiko i Maltrato di Mucha na ZJCN

Enfoke di violensia doméstiko i maltrato di mucha

E kolaboradó di maneho di Violensia Doméstiko i Maltrato di Mucha di ZJCN tin hopi tarea. Su trabou ta di traha maneho pa e enfoke di violensia doméstiko. I di maltrato di mucha. E ta empeñá pa diferente proyekto. Manera Telefòn di Mucha. I akohida na Saba di víktima di violensia doméstiko. I tambe e proyekto No Mas, No More, kontra violensia doméstiko. E kolaboradó di maneho ademas ta pèrkurá pa e ehekushon di e maneho di Jeugdzorg (Kuido di Hóben). Den esaki e ta kolaborá ku e Entidatnan Públiko di e islanan i otro partido.