𝗠𝗜𝗡𝗜𝗦𝗧𝗘𝗥 𝗠𝗔𝗗𝗨𝗥𝗢 𝗧𝗔 𝗙𝗘𝗟𝗜𝗖𝗜𝗧𝗔 𝗦𝗥. 𝗝𝗢 𝗛𝗘𝗡𝗥𝗜𝗤𝗨𝗘𝗭 𝗖𝗨 𝗘 𝗣𝗥𝗢𝗗𝗨𝗖𝗖𝗜𝗢𝗡 𝗗𝗜 𝗘 𝗣𝗘𝗟𝗜𝗖𝗨𝗟𝗔 ‘𝗠𝗜𝗦𝗦𝗜𝗡𝗚’

𝘜𝘯 𝘈𝘳𝘶𝘣𝘪𝘢𝘯𝘰 𝘵𝘢𝘭𝘦𝘯𝘵𝘰𝘴𝘰 𝘥𝘦𝘯 𝘦 𝘮𝘶𝘯𝘥𝘰 𝘤𝘪𝘯𝘦𝘮𝘢𝘵𝘰𝘨𝘳𝘢𝘧𝘪𝘤𝘰
E siman aki Minister Maduro tabata tin e placer di por a mira e pelicula ‘Missing’ cu a wordo co-produci pa e Arubiano Jo Henriquez. Un pelicula bon hinca den otro cu ta tene bo atencion di comienso te final. E ta sigur un orguyo pa sa cu e pelicula aki ta conta tambe cu e talento cinematografico di un yui di tera. Minister Maduro ta felicita Jo Henriquez y su famia, specialmente su Mama Landa Henriquez, cu semper a brinda su yiu e sosten y apoyo necesario pa por a studia den e ramo di arte y desaroya su talento creativo. Jo ta yiu di e conocido pareha Landa y defunto Raul Henriquez, kendenan semper a demostra nan aprecio y sosten na e mundo arte y cultura na Aruba. Minister Maduro ta gradici Jo Henriquez pa representa Aruba dignamente den e mundo creativo di produccion di pelicula riba e tarima internacional.