Pastor Alfonso Plata

Rev. Pastor Morrison La Porte

E tristu notisia a drenta di fayesimentu di un homber di Dios ku a nifika hopi den bida di hopi hende inkluso di mi. Mgr Ellis, huntu ku pastor Plata a rekonose, fasilita i apoya mi vokashon sasesrrdotal.
Pastor Plata a forma mi den hopi manera meskos ku ela hasi pa hopi otro. Bibando serka dje na pastorie Suffisant a fortifika mi vokashon i hasi mi desishon hopi mas fasil.
E ta un homber di Dios ku ainda tin un impakto den mi bida; dedikashon spiritual, e forma ku mi ta sirbi, kuida e edifisionan di misa, preparashon di predikashi, arte( dekorashon), medionan di komunikashon …ets.
E tabata un homber di Dios ku hopi talento: musik, arte ( pintura), media di komunikashon, djis pa menshona algun.
Mi ta hopi agradesido pa tur loke ela nifika pa mi i ku bon Dios rekompense ku un luga den su reino. Dios dune sosiegu eterno i lus eterno bria pe.