KOMUNIKADO DI PRENSA 087/2023.
3 mart 2023.

Tres detenshon relashoná ku violashon di lei di arma di kandela i droga.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 3 di mart 2023 alrededor di 02.05’or di mardugá, polis riba Carasasbaaiweg a
topa ku un vehíkulo ku tabata kore riba man kontrali.
A duna e shofúr òrdu pa para e vehíkulo i no a duna oido na polis.
Mesora e unidat polisial a kuminsá ku un persiguishon. Den e área di Kent U Zelf e shofùr a
manda e vehíkulo riba e agentenan i sigui kore bai pa despues aksidentá.
Despues di un kòntròl den e vehíkulo a haña i konfiská tres arma di kandela i un kantidat di
droga.
Na e sitio a detené e tres hòmbernan sospechoso.
Ta trata di:
 A.G.L., nasé na Kòrsou di 17 aña di edat.
 E.R.O., nasé na Kòrsou di 19 aña di edat.
 M.J.P.S., nasé na Venezuela di 23 aña di edat, tur tres relashoná ku e kaso ariba
menshoná.
A presentá e tres sospechosonan dilanti un fiskal ouksiliar ku despues di interogashon a
ordená nan enkarselamentu pendiente di mas investigashon.