Entrega di letra mester tuma lugá no mas lat ku djárason, 8 di mart 2023

Inskripshon Festival Kantadó Mayó 2023 a tuma lugá djasabra último i na final dje dia Fundashon Kultural Seú Kòrsou i komishon Kantadó Mayó tabata kontentu ku e kantidat di inskripshon. Un total di 17 agrupashon rítmiko i 55 kantante a inskribí pa partisipá na e festival kultural mas eksitoso di último añanan.

Entrega di letra mester tuma lugá no mas lat ku djárason, 8 di mart 2023.

Djárason anochi 7 or na Sede, Sentro di Bario Sta. Maria lo saka e órden di presentashon pa e dianan preliminar i mesora despues presidente di hurado, sr. Carl Camelia lo duna informashon na e representantenan di e gruponan rítmiko.

KARCHI
Entrante mañan, djamars 7 di mart, karchinan lo ta na benta na puntonan di benta konosí i serka tur agrupashon rítmiko.