Parlamento di Kòrsou Hunta direktiva di Parlatino a reuní pa determiná tópikonan pa Asamblea ku lo tuma lugá na Mei 2023.

Djaluna 6 di mart 2023, durante e reunion a deliberá tokante e tópikonan ku lo trata durante e Asamblea na mei 2023, na Panama. A determiná ku e siguiente tópikonan lo ta riba agenda: migrashon iregular; kambio di klima i su efektonan; institushonalisashon di Demokrasia i efektonan soshal di krisisnan manera COVID-19. E Hunta Direktiva ta konsistí di Vise Presidentenan di Parlatino, di kual Presidente di Parlamento di Kòrsou, sra. Charetti America-Francisca ta forma parti di dje. Presidente di Parlamento di Aruba sr. Edgar Vrolijk i Presidente di Parlamento sr. Sidhart Bijlani tambe a partisipá na e reuinion.
Parlatino ta un Asamblea kónsultativo kual ta sirbi pa fortalesa e lasonan parlamentario den e region i tambe pa fortalese demokrasia di e paisnan. Varios komishon ta hasi trabounan preparativo pa tuma desishon riba dje den e asamblea. Entre nan tin varios leynan modelo ku paisnan por usa komo base pa modernisa nan sistema legislativo.