MINISTER COOPER I MINISTER MARTINA TA HASI UN REKORIDO DEN BLUENAP AMERICAS

Willemstad – Riba djaweps 9 di mart, Minister Charles Cooper di Ministerio di Tráfiko, Transporte i Planifikashon Urbano (VVRP), huntu ku Minister Ornelio Martina di Ministerio di Gobernashon, Planifikashon i Servisio, a hasi un rekorido, i a risibi un presentashon di BlueNap Americas. BlueNap Americas ta un kompania internashonal ku ta ofresé servisionan komo sentro di data digital.

Meta di e presentashon i rekorido aki tabata pa evaluá e posibilidatnan pa Gobièrnu di Kòrsou tambe hasi mas uso di BlueNap Americas komo su sentro di data online.