FFK KU WORKSHOP PA MIEMBRONAN AFILIÁ NA FFK!
Djasabra 11 di mart último, direktiva di FFK a invitá e presidentenan di Liga MCB Promé, Segundo, Terser Divishon i e delegadonan di FFK na un ‘workshop’. E ‘workshop’ aki a tuma lugá den Ballroom di Renaissance Curaçao Resort & Casino di 9’or di mainta pa 5’or di atardi i a konta ku alrededor di 30 partisipante.
Durante e ‘workshop’ aki direktiva di FFK i su miembronan a interkambiá di opinion riba e plan stratégiko di FFK pa aña 2023 te 2026. Aki tur presente den un esfera ameno por a kontribuí i duna nan ideanan riba e mihó strategia pa benefisiá nos futbòl durante e próksimo añanan. Tambe ta tin presentashon di e programa di FIFA, FIFA Forward 3.0, kaminda miembronan por haña tur informashon riba e plannan pa futuro di FIFA.
Por mira bèk riba un dia yená ku infromashon balioso i plannan benefisioso pa futbòl aki na Kòrsou.
14 mart 2023