KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Fundashon Pro Souax ku CHARLA: KOLESTERÒL i PRESHON HALTU

21 di MART 2023

Fundashon Pro Souax i Sentro di bario Souax, ta informá habitantenan di Souax, Gato, Zegu i bisindario i demas interesado ku djamars próksimo 21 di mart lo tin kontinuashon di e siklo di charla “ALIMENTASHON RESPONSABEL”.

E luna aki DIETISTA SRA. SIEGMARA CAROLINA lo trata e tópiko “KOLESTERÒL i PRESHON HALTU”. Durante di e charla e dietista lo duna informashon tokante konsekuensia i solushon nutrishonal ora bo tin kolesteròl i preshon haltu.

E informashonnan aki tin ku sirbi pa konsientisá un i tur, kon alimentá nan mes di un forma balansá, sano i responsabel. Entre otro sra. Carolina lo amplia riba: e malesanan kolesteròl i preshon haltu, tambe e lo splika kiko por ta e konsekuensia ora bo tin kolesteròl i/òf preshon haltu i kon kontrolá bo preshon i kolesteròl pa medio di un dieta saludabel.

Entrada ta grátis i lo tin amplio oportunidat pa hasi pregunta.
Un i tur ta keda kòrdialmente invitá pa bin skucha informashonnan interesante riba e tópiko aki.

Charla ALIMENTASHON RESPONSABEL

Tópiko   : ““KOLESTERÒL i PRESHON HALTU”

Oradó   : DIETISTA Sra. Siegmara Carolina

Dia        : Djamars 21 di MART 2023

Ora        : Shet’or pa mitar di nuebe di anochi  (19.00 – 20.30)

Lugá      : Sentro di bario Souax                           

Entrada  : GRATIS

639114718427035"
639114718427035"