KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Karta di komishon di informadó 002; pa partido MPB/ Sr. Hennyson Thielman

Kralendijk, 20 di Mart, 2023
Apresiabel Sr. Thielman,
Riba dia 15 di Mart 2023 e elekshon pa un Konseho Insular nobo a tuma luga.
Na promé lugá, permiti nos di ekstende na MPB un pabien ku e resultado di e votashon. Irespektivo di kuantu asiento a asigná na listanan, nos tur a kuminsa na zero i nos tur ta habriendo porta pa un periodo nobo den Konseho Insular, i tempunan nobo den politika di Boneiru.
Demokrat ta di opinion ku elekshon a mustra ku pueblo a entregá nos partido un mandato klaro pa yuda duna forma na nos gobernashon ehekutivo den e periodo benidero. E ta sumamente importante ku pueblo di Boneiru por konta ku un gobiernu nobo mas pronto ku posibel.
MPB tambe ta representá un parti di nos elektorado. Tumando esei na kuenta, PDB, komo partido ku a alkansá na e sifra di votashon mas haltu, pa medio di e karta aki ta kordialmente invitá partido MPB pa formalmente habri un dialogo entre nos dos partido riba termino kortiku.
Meta ta pa determiná si konhuntamente nos por forma un Kolegio Ehekutivo nobo, basá riba un
koalishon stabil den Konseho Insular, i ku un mayoria di asiento amplio. Nos koperashon ku M21 ta duna nos un base duradero di 4 asiento pa un gobernashon duradero i desisivo.
Komo fecha, nos ta proponé dia Djamars, 21 di Mart, na 17:00 or di atardi. Lo proponé un lugá pa nos reuní den palabrashon mutuo.
Di banda di Partido Demokrat, e Komishon di Informadó lo konsisti di e siguiente personanan:
Sr. Edward (Ted) Rijna, Sr. Dudley Wedervoort, i Sr. Arjen de Wolff.
Nos ta propone ku Sr. De Wolff lo fungi komo presidente tèkniko di nos reunionan. Sr. Dudley
Wedervoort ta nos bosero.
Nos ta keda pendiente di boso kontesta positivo dentro di poko.
Atentamente,
pa Komishon di Informadó Demokrat
Arjen de Wolff, presidente tèkniko

 

639114718427035"
639114718427035"