Dos detenshon relashoná ku atrako i un detenshon pa intento di asesinato.
KOMUNIKADO DI PRENSA 135/2023.
26 mart 2023.
Dos detenshon relashoná ku atrako i un detenshon pa intento di asesinato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 25 di mart 2023, alrededor di 16.32’or di atardi, sentral di Polis a risibí un
notifikashon di un kaso di atrako i intento di asesinato ku a tuma lugá na Mazurkastraat.
Mesora a dirigí un unidat na e sitio.
For di e investigashon preliminar a sali na kla ku un pareha mester a tuma kontakto ku un
hòmber riba ret sosial pa kompra di un telefòn selular.
Na yegada pa hasi e kompra, dos sospechoso mester a aserká e pareha i un di e
sospechosonan a saka un arma di kandela riba e pareha.
Despues a surgi un forsageo ku e hòmber víktima esaki lo a ranka bai den su vehìkulo ku
resultadó ku e sospechoso a resultá bou di e vehíkulo i a sufri varios leshon na su kurpa.
Ambulans ku a presentá na e sitio a transportá hòmber sospechoso di atrako ku multiple
leshon pa CMC pa tratamentu médiko avansá.
Na e sitio a detené e hòmber víktima C.C.C., nasé na Kòrsou di 20 aña di edat, ku a bira
sospechoso di intento di asesinato.
Kontinuando ku e investigashon djadumingu 26 di mart 2023, alrededor di 10.55’or di
mainta e otro sospechoso Q.X.G.A., nasé na Kòrsou di 18 aña di edat, a entregá su mes na
warda di reshèrshi.
Alrededor di 13.00’or na CMC polis a hasi detenshon di e hòmber sospechoso J.M.L.H.,
nasé na Kòrsou di 18 aña di edat, ku tabata hospitalisá relashoná ku e kaso di atrako ariba
menshoná.
A presentá tur e tres sospechosonan dilanti un fiskal ouksiliar ku despues di interogashon a
ordená nan enkarselamentu pendiente di mas investigashon.
