55 anja Fundashon Sentro di Bario Soto
Willemstad, 26 mart 2023
Fundashon Sentro di Bario Soto, a keda fundá 23 mart 1968. I a kumpli 55 aña 23 mart
2023. Nos komo Sentro di bario Soto tin komo meta pa uni Bario i bisendario stimulá i
motiva e hende pa e ta sosial dor di traha huntu na aktividatnan konkreto pa yuda hisa
kalidat di bida di habitante nan di Soto i bisendario promoviendo desaroyo mental, sosial
i físiko di e poblashon na Kòrsou i partikularmente soto i bisendario areanan di trabou di
e sentro di bario.
Presidente Anamarie Cijntje huntu ku su direktiva a organisá un bunita selebrashon
akompañá ku hopi invitado djadumingu 26 mart 2023.
Nos ta hopi agradesido di por tabatin Su Ekselensia Señora Lucille George-Wout i
Esposo Sr. Herman George huntu ku nos den selebrashon 55 aña Fundashon Sentro di
Bario Soto (SBS)
Nos promé Minister Sr. Gilmar “Pik” Pisas huntu ku Minister di enseñansa, siensia,
kultura i deporte Sr. Sithree Van Heydoorn, tambe a akompañá nos den nos bunita
selebrashon i nos ta hopi agradesido pa ku esaki.
E dia a start ku un Santu Sakrifisio di Misa na misa di Soto i a sigui pa e parti ofisial den
Sentro di Bario Soto, i a finalisá e dia ku un buffet pa tur invitado.
Bunita ta, kon miembronan di direktiva SBS i tambe polis di bario Sr. Fanyte, a
akompañá Su Ekselensia Sra. Lucille George Wout i Esposo Sr. Herman George,
kanando di misa di Soto, pa Sentro di bario Soto. Un eksperensia hopi bunita i ku sigur
ta keda den Historia di eksprensianan di Fundashon Sentro di Bario Soto.
